प्रस्तुत है मेरी रचना माता का विदाई गीत जिसे मैने भोजपुरी में लिखा है:—–
छोड़ि के हमरी नगरिया चली,
जगतारिनि माई ।
मैया की पालकी सवरिया चली,
दुखहारिनि माई ।
छोड़ि के हमारी नगरिया………
नव दिन सेवनी माँ तोहरी चरनियाँ ,
सून भईल अब हमरी महलिया ।
अँखियन से बरसेला नीर हे माँ,
कैसे करीं हम बिदाई ।
छोड़ि के हमारी नगरिया………
एक पल बितिहें अब जुग के समनवाँ,
तोहरे में लागल रही हमरो परनवाँ ।
हमरो बा तोहसे अरजिया हे माँ,
जनि भूलीह ए माई ।
छोड़ि के हमारी नगरिया………
रचनाकार
ब्रह्मेश्वर नाथ मिश्र
