नाथ हमरो के तारीं शरन अइनी जी…..-ब्रह्मेश्वर नाथ मिश्र

प्रस्तुत है भोजपुरी में मेरी ये रचना शरणागत भजन के रूप में :——

नाथ हमरो के तारीं शरन अइनी जी ।
गणिका के तरनी अजामिल के तरनी ,
पापिन्ह के तरनी जिनिगिया सुधारी ।
शरन अइनी जी ।
नाथ हमरो के तारीं…………..
शबरी के तरनी अहिल्या के तरनी ,
तरि गैलें केवँट चरनियाँ पखारी ।
शरन अइनी जी ।
नाथ हमरो के तारीं……………
बाली के तरनी बिराध के तरनी ,
खर के भी तरनी कहइनी खरारी ।
शरन अइनी जी ।
नाथ हमरो के तारीं……………
द्रौपती के तरनी बिदुरानी के तरनी ,
गज के भी तरनी गराह के मारी l
शरन अइनी जी ।
नाथ हमरो के तारीं……………